Наставата во училиштата во Гази Баба од денес започнува со интонација на химната на Р. Македонија

Утрово градоначалникот Бобан Стефковски беше во ООУ “Кирил и Методиј” во населеното место Стајковци каде што наставата започна со интонација на химната на Република Македонија.

 Преку интонација на химната на Македонија кај дечињата уште од најмали нозе да ја градиме почитта и љубовта кон својата татковина.

Градоначалникот Стефковски истакна дека сите заедно треба да работиме во насока на подигнување на чувството и почитта кон химната и знамето на Република Македонија како репрезенти и симболи на државноста на нашата земја.

Одлуката за интонација на химната на Република Македонија на почетокот на наставата секој понеделник ја донесе Советот на Општина Гази Баба на последната седница.