ООУ „ЊЕГОШ“ – УЧИЛИШТЕ КОЕ ПОСТОЈАНО СЕ МЕНУВА
Денес градоначалникот Бобан Стефковски беше во посета на ООУ „Његош“, училиште во кое во изминатиот период реализиравме повеќе значајни проекти со кои директно ги подобруваме условите за учениците и наставниот кадар.
Комплетно се реновираа училишните тоалети, создавајќи подобри и посоодветни услови за секојдневниот престој на учениците.
Дел од наставните кабинети добија нов училишен инвентар, со што се создава поквалитетна и посовремена средина за реализација на наставата.
Комплетно е опремен и кабинетот за настава по информатика со нови компјутери и потребната опрема, со што на учениците им овозможуваме современи услови за стекнување и унапредување на дигиталните знаења и вештини.
Во моментот се реализираат активностите за инсталирање и поставување на инвертер клима уреди во училниците, со што и ООУ „Његош“ го имплементира проектот „Климатизирани училници“, кој беше дел од мојата изборна програма.
Секогаш ми е особено задоволство кога ќе посетам училиште во кое се реализирани низа проекти, затоа што секоја промена значи подобри услови за образование и воспитание на нашите најмили – децата.
ООУ „Његош“ е токму таков пример – училиште во кое реализиравме многу проекти, но тука не застануваме.
Во моментот се реализираат и подготвителните работи за отпочнување со доградба на училиштето, што ќе обезбеди дополнителен простор и уште подобри услови за учениците.
Чекор по чекор, проект по проект, го менуваме училиштето и создаваме средина во која нашите деца ќе имаат подобри услови за учење, развој и напредок.
Ова е резултат на посветена работа, добра соработка и заедничка заложба сите заедно да создадеме подобри услови во нашите училишта.
Голема благодарност и признание до директорката, наставниот кадар и целиот персонал на ООУ „Његош“ за нивната посветеност, професионалност и секојдневниот труд што го вложуваат во воспитанието и образованието на нашите деца.
Продолжуваме и понатаму со работа, со нови проекти и со конкретни резултати.
ООУ „Његош“ продолжува да се менува на подобро – за учениците, за наставниците и за целата училишна заедница.
