Положување свежо цвеже и оддавање почит пред споменикот на Бобан Ивановиќ

Вечна му слава на Бобан Ивановиќ од Стајковци кој загина за слободата на Македонија во Диво Насеље.

Денес на денот кога населеното место Стајковци ги чествува Светите браќа Кирил и Методиј, градоначалникот Бобан Стефковски оддаде почит и со делегација од општина Гази Баба положи свежо цвеќе пред споменикот на Бобан Ивановиќ.

Свежо цвеќе положија и делегација на Советот на општина Гази Баба предводена од претседателот Дијана Илиевска, делегација на семејството на Бобан Ивановиќ, делегација на Месната заедница Стајковци и други делегации.

Градоначалникот Стефковски пред присутните истакна дека споменот за Бобан Ивановиќ никогаш несмее да се заборави и поради тоа ќе даде предлог до училишниот одбор на ООУ “Кирил и Методиј” во Стајковци училишната сала која е во изградба да го носи името „Бобан Ивановиќ“.

{gallery}foto/2022/05/24/ivanovik/gallery{/gallery}

24.05.2022