Стефковски положи свежо цвеќе пред споменикот на Бобан Ивановиќ
Денес градоначалникот Бобан Стефковски со делегација од општина Гази Баба положи свежо цвеќе пред споменикот на Бобан Ивановиќ.
Бобан Ивановиќ од н.м. Стајковци е наш сограѓанин и жител на општина Гази Баба, кој беше меѓу осумината храбри бранители кои го изгубија својот живот од терористички напад во кумановско „Диво Насеље”.
Пред споменикот свежо цвеќе положија и делегација на Советот на општина Гази Баба предводена од претседателот Дијана Илиевска, делегација на семејството на Бобан Ивановиќ, делегација на Месната заедница Стајковци и други делегации.