Увид во градежни работи за реконструкција на улицата Модест Мусоргски
Градоначалникот Бобан Стефковски направи увид во градежните работи за реконструкција на улицата Модест Мусоргски во Триангла. Интензивно се работи на изградбата на тротоарите, а веднаш потоа ќе се премине и на комплетна реконструкција на коловозот.
Реконструкцијата на оваа улица ја реализираме за прв пат по нејзината изградба во 1963 година.
Ќе продолжи реализацијата на проекти од областа на патната инфраструктура и во следниот период. Во таа насока во буџетот за 2024 година ќе се определат средства за реконструкција и ревитализација на повеќе од 30 локални улици насекаде низ Општина Гази Баба.