ЈАВЕН ПОВИК за избор на ко-организатор на настан по повод 50 години од формирањето на Општина Гази Баба
ЈАВЕН ПОВИК
за избор на ко-организатор на настан по повод 50 години од формирањето на Општина Гази Баба
Општина Гази Баба објавува Јавен повик за избор на ко-организатор на настан по повод 50 години од формирањето на Општина Гази Баба, кој ќе се одржи на 18.09.2026 година на плоштадот во Автокоманда, Скопје.
Право на учество на јавниот повик имаат:
- здруженија на граѓани;
- фондации;
- установи;
- трговски друштва;
- маркетинг агенции,
кои ги исполнуваат условите и критериумите утврдени со овој јавен повик.
За реализација на настанот, Општина Гази Баба ќе додели финансиски средства на избраниот ко-организатор во износ од 500.000,00 денари, согласно средствата утврдени во Програмата за јавни дејности на Општина Гази Баба за 2026 година.
Избраниот ко-организатор е должен да ја организира и реализира музичката програма во рамките на настанот, кој ќе се одржи на 18.09.2026 година на плоштадот во Автокоманда.
За реализација на музичката програма, ко-организаторот е должен да обезбеди и ангажира естрадни уметници од Република С. Македонија и од странство, согласно предложената и одобрена програма.
Вкупното времетраење на програмата на настанот не смее да биде подолго од шест часа.
Основни критериуми за учество
Заинтересираните апликанти треба да ги исполнуваат следните критериуми:
- да се регистрирани во Централниот регистар на Република С. Македонија;
- да имаат седиште на територијата на град Скопје;
- во рамките на својата регистрирана дејност да се занимаваат со организација на културни, забавни и/или музички манифестации.
Потребна документација
Апликантот е должен да ја достави следната документација:
- Тековна состојба од Централниот регистар, не постара од шест месеци;
- Потврда дека не постои забрана за учество во постапки, издадена од Централниот регистар;
- Предлог-програма за реализација на настанот, со детална содржина на музичката програма и прикажани финансиски импликации, односно детална финансиска конструкција за реализација на програмата во рамките на предвидените средства.
Документацијата треба да биде доставена во оригинал или копија, согласно важечките прописи.
Пријавата со целокупната потребна документација се доставува:
- лично, во Архивата на Општина Гази Баба, во период од 08:00 до 16:00 часот.
Пријавата се доставува во затворен плик, со следната назнака:
„За Јавен повик за избор на ко-организатор за настан по повод 50 години од формирањето на Општина Гази Баба“
со задолжителна ознака:
„НЕ ОТВОРАЈ“
На пликот треба да бидат наведени податоците за апликантот и да биде евидентиран точниот датум и час на прием во Архивата на Општина Гази Баба.
Јавниот повик ќе биде објавен на 31.08.2026 година на веб-страницата на Општина Гази Баба и ќе трае заклучно со 04.09.2026 година.
Напомена: Пријавите доставени по истекот на рокот, како и пријавите кои нема да ја содржат целокупната потребна документација, нема да бидат разгледувани.
Комисија формирана со Решение на Градоначалникот на Општина Гази Баба ќе ги разгледа пристигнатите пријави и приложената документација и ќе изврши избор на ко-организатор согласно условите и критериумите утврдени во овој јавен повик.
По завршувањето на постапката, Комисијата ќе донесе предлог за избор на ко-организатор, согласно утврдените критериуми.
ОПШТИНА ГАЗИ БАБА