ЈАВЕН ПОВИК за доделување стипендии на надарени и талентирани ученици и талентирани и надарени ученици со посебни образовни потреби од општина Гази Баба за учебната 2026/2027 година

Врз основа на членот 4 ставови 1,2 и 3 од Одлуката за доделување на стипендии на надарени и талентирани ученици и талентирани и надарени ученици со посебни образовни потреби, донесена на 17 седница на Советот на општина Гази Баба, Комисијата за доделување стипендии на талентирани и надарени ученици и талентирани и надарени ученици со посебни образовни потреби од Општина Гази Баба, на 05 октомври 2026 година, распишува:

ЈАВЕН ПОВИК

за доделување стипендии на надарени и талентирани ученици и талентирани и надарени ученици со посебни образовни потреби од општина Гази Баба за учебната 2026/2027 година

1. ОПШТИ ОДРЕДБИ

(1) Износот на стипендијата изнесува 3.000,00 денари месечно без пресметан персонален данок. Персоналниот данок на стипендијата го пресметува и плаќа општина Гази Баба.

(2) Стипендијата се исплаќа од први до петти во текот на месецот за претходниот месец, девет месеци непрекинато во текот на учебната година, почнувајќи од месец октомври од тековната календарска година заклучно со месец јуни од наредната календарска година.

(3) Во учебната 2026/2027 година Општина Гази Баба доделува 25 стипендии на надарени ученици, 25 стипендии на талентирани ученици и 5 стипендии за талентирани и надарени ученици со посебни образовни потреби.

(4) Надарени ученици – се ученици кои имаат високи постигнувања во областа на природните науки, математиката и јазици.

(5) Талентирани ученици – се ученици кои имаат високи постигнувања во областа на уметностите, ликовното изразување, музика, дизајн и спорт.

(6) Надарени и талентирани ученици со посебни образовни потреби – се ученици кои имаат учество од областа на природни науки, математика, јазици, уметностите, ликовно изразување, музика, дизајн и спорт.

1. УСЛОВИ И КРИТЕРИУМИ ЗА ДОБИВАЊЕ СТИПЕНДИИ

(1) Право на стипендија може да остварат и повеќе ученици од едно семејство, доколку ги исполнуваат условите и критериумите утврдени со Правилникот.

(2) Доколку надарениот ученик или талентираниот ученикот добие стипендија како талентиран ученик, надарен ученик и ученик со посебни образовни потреби, не може да добие финансиски средства од други јавни повици за стипендии за талентирани ученици, надарени ученици и ученици со посебни образовни потреби на општина Гази Баба.

• Право на доделување стипендија на надерени ученици има ученик кој ги исполнува следните услови:
• да е редовен ученик во општинско основно училиште на подрачјето на општина Гази Баба;
• да не е корисник на финансиски средства од други јавни повици на општина Гази Баба;
• да има освоени награди, дипломи, признанија или пофалници од учество на натпревари и манифестации на општинско, регионално, државно и меѓународно ниво.

• Право на доделување стипендија на талентирани ученици има ученик кој ги исполнува следните услови:
• да е редовен ученик во општинско основно училиште на подрачјето на општина Гази Баба;
• да не е корисник на финансиски средства од други јавни повици на општина Гази Баба;
• да има освоени награди, дипломи, признанија или пофалници од учество на натпревари и манифестации на општинско, регионално, државно и меѓународно ниво.

• Право на доделување на стипендија на надарени и талентирани ученици со посебни образовни потреби има ученик кој ги исполнува следните услови:
• да е редовен ученик во општинско основно училиште на подрачјето на општина Гази Баба;
• да не е корисник на финансиски средства од други јавни повици на општина Гази Баба;
• да има учество и награди на натпревари и манифестации на општинско, регионално, државно и меѓународно ниво.

    III. ПОТРЕБНА ДОКУМЕНТАЦИЈА

• Со барањето за стипендија за надарени ученици се приложуваат следните документи:
• потврда од општинско основно училиште на подрачјето на општина Гази Баба во кое ученикот е запишан како редовен ученик;
• нотарски заверена изјава дека ученикот не е корисник на финансиски средства од други јавни повици на општина Гази Баба;
• Оргинал или копија од сведителства од четврто до деветто одделение; и
• Оргинал или копија од освоени награди, дипломи, признанија или пофалници од учество на натпревари и манифестации на општинско, регионално, државно и меѓународно ниво од учебните години 2024/2025 и 2025/2026.

• Со барањето за стипендија за талентирани ученици се приложуваат следните документи:
• потврда од општинско основно училиште на подрачјето на општина Гази Баба во кое ученикот е запишан како редовен ученик;
• нотарски заверена изјава дека ученикот не е корисник на финансиски средства од други јавни повици на општина Гази Баба;
• оргинал или копија од освоени награди, дипломи, признанија или пофалници од учество на натпревари и манифестации на општинско, регионално, државно и меѓународно ниво од учебните 2024/2025 и 2025/2026. Документите може да се однесуваат на индивидуално или екипно учество. За екипните учества покрај наградата, дипломата, признанието или пофалницата, за освоен пласман кандидатот доставува и потврда од организаторот на натпреварот/манифестацијата или од правното лице / организацијата во која ученикот членува, односно спортскиот клуб, уметничкото друштво, танцовиот клуб, ансамблот, здружението, установата или друга правно релевантна организација во која ученикот членува, со која се потврдува дека ученикот бил член и/или учесник во екипата, групата или ансамблот кој го освоил наведениот пласман.

• Со барањето за стипендија за надарени и талентирани ученици со посебни образовни потреби се приложуваат следните документи:
• потврда од општинско основно училиште на подрачјето на општина Гази Баба во кое ученикот е запишан како редовен ученик;
• нотарски заверена изјава дека ученикот не е корисник на финансиски средства од други јавни повици на општина Гази Баба;
• наод и мислење од Меѓународна класификација на функционирање, попреченост и здравје (МКФ);
• мислење од училишен инклузивен тим за надареност или талентираност за ученикот кој аплицира;
• оргинал или копија од освоени награди, дипломи, признанија или пофалници / потврди од учество на натпревари и манифестации на општинско, регионално, државно и меѓународно ниво од учебните години 2024/2025 и 2025/2026

1. НАЧИН И РОК ЗА ПРИЈАВУВАЊЕ

(1) Конкурсот трае 7 (седум) дена од денот на објавувањето на веб-страницата на Општина Гази Баба.

(2) Општина Гази Баба доделува стипендии на надарени и талентирани ученици и талентирани и надарени ученици со посебни образовни потреби по барање на еден од родителите или старателите.

(3) Барањата за стипендии на надарени и талентирани ученици и талентирани и надарени ученици со посебни образовни потреби се поднесуваат во архивата на општина Гази Баба секој работен ден од 8.00 до 16.00 часот.

(4) Барањата за стипендии на надарени и талентирани ученици и талентирани и надарени ученици со посебни образовни потреби се поднесуваат во затворен плик со назнака “Барање за стипендија за надарен ученик” или “Барање за стипендија за талентиран ученик “ или “Барање за стипендија на талентирани и надарени ученици со посебни образовни потреби“, на кој пишува “Не отворај”.

(5) Непотполни и неблаговремено пријави нема да се земаат во обзир.

1. НАЧИН НА ОДЛУЧУВАЊЕ НА КОМИСИЈАТА ЗА ИЗБОР

       НА ТАЛЕНТИРАНИ УЧЕНИЦИ И УЧЕНИЦИ СПОРТИСТИ

(1) Комисијата пристигнатите барања ги разгледува во рок од 3 (три) дена по завршувањето на Јавниот повик.

(2) Некомплетните и ненавремено доставени барања, Комисијата нема да ги разгледува и за тоа ги известува барателите.

(3) Во случај на ист број на бодови предност има ученикот кој има освоено повисоко место на државно и/или меѓународно ниво.

(4) Комисијата го задржува правото да побара и дополнителна документација, доколку смета дека тоа е потребно.

(5) Комисијата во рок од 3 (три) дена по завршувањето на постапката за избор на стипендисти Одлуката ја објавува на веб-страницата на општина Гази Баба.

(6) Против одлуката на Комисијата, незадоволниот барател може да поднесе писмена жалба до Комисија за жалби формирана од градоначалникот на општина Гази Баба во архивата на општина Гази Баба во рок од 3 (три) дена од објавата на Одлуката на веб-страницата на општина Гази Баба.

(7) Комисијата во рок од 5 (пет) дена од денот на приемот на жалбата, одлучува со мнозинство гласови и донесува решение, по што Одлуката за доделување стипендии за надарени ученици, талентирани ученици и надарени и талентирани ученици со посебни образовни потреби, објавена на веб страната на општина Гази Баба станува конечна.

(8) Во рок од 15 (петнаесет) дена по објавата на Одлуката на веб-страницата на општина Гази Баба, градоначалникот на општина Гази Баба склучува договор за стипендирање, со еден од родителите или старателите на ученикот со кој се уредуваат правата и обврските на родителот односно старателот на стипендистот и општина Гази Баба.