Повик до граѓаните за учество во подготовката на Локалниот еколошки акционен план на Општина Гази Баба 2027–2032
Повик до граѓаните за учество во подготовката на Локалниот еколошки акционен план на Општина Гази Баба 2027–2032
Општина Гази Баба започна со активности за подготовка на Локалниот еколошки акционен план – ЛЕАП за периодот 2027–2032 година, како значаен стратешки документ за планирање на идниот развој и унапредување на животната средина на територијата на Општината.
Со цел ЛЕАП-от да ги одрази реалните потреби, проблеми и приоритети на граѓаните, Ве повикуваме активно да се вклучите во процесот и да го споделите Вашето мислење преку пополнување на краткиот прашалник достапен на следниот линк:
https://www.surveymonkey.com/r/7FXWGYS
Вашите одговори ќе придонесат за подобро согледување на состојбите во областа на квалитетот на воздухот, водите и почвата, управувањето со отпадот, зелените површини, енергетската ефикасност, сообраќајната и комуналната инфраструктура, природните вредности, како и другите прашања кои се важни за квалитетот на живот во Општина Гази Баба.
Секое мислење е важно. Со заедничко учество можеме да придонесеме кон креирање на реални и остварливи мерки за почиста, поздрава, позелена и подобро организирана Општина Гази Баба.
Да го дадеме својот придонес денес, за подобри услови за живот за сите нас и за идните генерации.
Ги повикуваме сите граѓани да го пополнат прашалникот и да бидат дел од создавањето на ЛЕАП 2027–2032.