ИНТЕРЕН ОГЛАС бр.01/2024
Врз основа на член 48 став 4 од Законот за административни службеници (“Службен весник на Република Македонија” бр.27/14, 199/14, 48/15, 154/15, 5/16, 142/16 11/18 и “Службен весник на Република Северна Македонија” бр. 275/19, 14/20, 215/21 и 99/22) и Правилник за систематизација на работните места во општинската администрација на Општина Гази Баба бр. 08 – 5770/1 од 05.10.2022 година, Правилник за изменување и дополнување на Правилник за систематизација на работните места во општинската администрација на Општина Гази Баба бр. 08 – 569/1 од 31.01.2023 година, Правилник за изменување и дополнување на Правилник за систематизација на работните места во општинската администрација на Општина Гази Баба бр. 08 – 569/4 од 18.08.2023 година и Правилник за изменување и дополнување на Правилник за систематизација на работните места во општинската администрација на Општина Гази Баба бр. 08 – 569/7 од 18.10.2023 година, Општина Гази Баба објавува
ИНТЕРЕН ОГЛАС бр.01/2024
за унапредување на 1 (еден) административен службеник во
Општина Гази Баба
Општина Гази Баба објавува интерен оглас за унапредување на 1 (еден) административен службеник за следното работно место:
- УПР 01 01 Б04 000 Раководител на одделение за управување со човечки ресурси, Сектор за управување со човечки ресурси и информатичка технологија (1) извршител
Општи услови:
– да е државјанин на Република Северна Македонија;
– активно да го користи македонскиот јазик;
– да е полнолетен;
– да има општа здравствена способност за работното место;
– со правосилна судска пресуда да не му е изречена казна забрана на вршење професија, дејност или должност.
Посебни услови:
– Ниво на квалификациите VI А според Македонската рамка на квалификации и стекнати најмалку 240 кредити според ЕКТС или завршен VII/1 степен – правни науки, организациони науки и управување (менаџмент) или јавна управа и администрација.
– најмалку четири години работно искуство во струката од кои најмалку една година на работно место во јавен сектор, односно најмалку шест години работно искуство во струката од кои најмалку две години на раководно работно место во приватен сектор
Општи работни компетенции
– учење и развој;
– комуникација;
– остварување резултати;
– работење со други/тимска работа;
– стратешка свест;
– ориентираност кон странките/засегнати страни;
– раководење;
– финансиско управување.
Посебни работни компетенции
– активно познавање на компјутерски програми за канцелариско работење;
– активно познавање на еден од трите најчесто користени јазици на Европската унија (англиски, француски, германски)
– положен испит за административно управување
Распоред на работно време
– работни денови понеделник-петок;
– работни часови неделно 40;
– работно време од 07:30-08:30 до 15:30-16:30;
– опис за работното време со почеток на работното време помеѓу 07:30 и 08:30 часот и завршеток на истото помеѓу 15:30 и 16:30 часот.
Паричен нето износ на плата: 38.523,00 денари.
На интерниот оглас може да се јави административен службеник вработен во Општина Гази Баба кој ги исполнува општите и посебните услови пропишани во Законот за административни службеници, Правилник за систематизација на работните места во општинската администрација на Општина Гази Баба бр. 08 – 5770/1 од 05.10.2022 година, Правилник за изменување и дополнување на Правилник за систематизација на работните места во општинската администрација на Општина Гази Баба бр. 08 – 569/1 од 31.01.2023 година и Правилник за изменување и дополнување на Правилник за систематизација на работните места во општинската администрација на Општина Гази Баба бр. 08 – 569/4 од 18.08.2023 година и Правилник за изменување и дополнување на Правилник за систематизација на работните места во општинската администрација на Општина Гази Баба бр. 08 – 569/7 од 18.10.2023 година, како и да ги исполнуваат и следниве услови:
- Да е оценет со оцена „А“ или „Б“ при последното оценување
- Да е на работно место на непосредно пониско ниво или да е на работно место во рамки на истата категорија во која е работното место за кое е објавен интерниот оглас
- Да поминал најмалку 2 (две) години на исто ниво,
- Да не му е изречена дисциплинска мерка во последната година пред објавување на интерниот оглас.
Заинтересираните административни службеници поднесуваат пополнета пријава и докази за податоците содржани во пријавата преку архивата на Општина Гази Баба, и освен во хартија може да биде испратена и електронски на следнава електронска адреса; hr@gazibaba.gov.mk
Кандидатите кон пријавата можат да ги приложат следниве докази:
- Потврди за успешно реализирани обуки и/или
- Потврди за успешно менторство.
Рокот за доставување на пријавите изнесува 5 (пет) дена од денот на објавување на огласот.
Во пријавата кандидатите се должни под материјална и кривична одговорност да потврдат дека податоците во пријавата се точни, а доставените докази се верни на оригиналот.
НАПОМЕНА: Кандидатот кој внел лажни податоци во пријавата за унапредување се дисквалификува од понатамошната постапка.
Со почит,