ЈАВЕН ПОВИК за надоместување на дел од трошоците на граѓаните на подрачјето на Општина Гази Баба за набавка и вградување на сончеви термални колектори за 2024 година
Врз основа на точка 2 од Програмата за заштита на животната средина и природата на Општина Гази Баба за 2024 година (”Службен гласник на Општина Гази Баба” бр.19/23) и Правилникот за користење на финансиски средства од Буџетот на Општина Гази Баба за надоместување на дел од трошоците на граѓаните на подрачјето на Општина Гази Баба за набавка и вградување на сончеви термални колектори за 2024 година (“Службен гласник на Општина Гази Баба” бр.2/24) Градоначалникот на Општина Гази Баба објавува
ЈАВЕН ПОВИК
за надоместување на дел од трошоците на граѓаните на подрачјето на Општина Гази Баба за набавка и вградување на сончеви термални колектори за 2024 година
- Опис на Јавниот повик
1.1.Со цел стимулирање на користењето на сончевата енергија во Репулика Северна Македонија, на купувачите на сончеви термални колекторски системи (колектори, резервоар за топла вода и потребна инсталација), кои ќе ги купат и вградат во свиоте домови, општина Гази Баба ќе им надомести дел од трошоците во висина од 50%, но не повеќе од 15.000,00 денари со вклучен персонален данок на доход по домаќинство за 2024 година, под услов купувачите досега да не користеле средства од Буџетот на Репулика Северна Македонија за купување сончеви термални колекторски системи во својот дом.
1.2.Право на учество на Јавниот повик имаат жителите на општина Гази Баба кои имаат купено и вградено сончеви термални колекторски системи во својот дом во периодот од денот на објавување на јавниот повик се до 30 ноември 2024 година односно до исцрпување на финансиски средства наменети за оваа намена од Буџетот на Општина Гази Баба за 2024 година.
Јавниот повик е објавен на web страната на Гази Баба www.gazibaba.gov.mk, и во два печатени медиуми.
- Услови што треба да ги исполни барателот:
2.1.Барателот треба да ги исполни следните услови:
- да е жител на Општина Гази Баба,
- да нема искористено субвенции за купување на сончеви термални колекторски системи во својот дом од било кој друг извор на Репулика Северна Македонија,
- набавениот уред да биде купен во 2024 година, во период од денот на објавување на јавниот повик и истиот да биде инсталиран на адресата на живеење наведена во личната карта на барателот,
- да има платено данок на имот за станбениот објект во кој ќе биде инсталиран сончевиот термален колекторски систем заклучно со 2023 година
Напомена: Барателот мора да ги исполнува сите горенаведени услови за да неговото барање биде одобрено. Во спротивно, неговото барање ќе биде одбиено.
- Начин на пријавување на Јавниот повик
3.1.За надоместување на дел од трошоците и докажување дека условите се исполнети, барателот до Општина Гази Баба треба да достави:
- Пополнет образец за барање, коj може да се подигне од архивата на Општина Гази Баба или да се обезбеди преку интернет страната на Општината www.gazibaba.gov.mk,
- фотокопија од лична карта на барателот
- трансакциска сметка исклучиво лична на барателот (не ополномоштена од трето лице)
- оригинален доказ дека е извршено купување во 2024 година и тоа со:
- фискална сметка или
- фактура со прилог уплатница или
- фактура со прилог извод од деловна банка за извршена уплата во целост,
- нотарски заверена изјава дека нема искористено субвенции за купување и вградување на сончевиот термален колекторски систем во своето домаќинство од било кој извор на Репулика Северна Македонија и дека е согласен неговите лични податоци да се користат исклучиво за ова субвенционирање (пример од изјавата може да подигне од архивата на Општина Гази Баба или да се обезбеди преку интернет страната на општината www.gazibaba.gov.mk,
- барање за издавање потврда за подмирени обврски по основ на данок на имот за станбениот објект каде што е инсталиран уредот заклучно со 2023 година, (барањето може да се подигне во архивата на Општина Гази Баба или да се обезбеди од интернет страницата на општината www.gazibaba.gov.mk.
3.2.Едно лице може да поднесе само едно барање по домаќинство за добивање на надоместок
3.3.Барателот треба да го достави барањето и документацијата во прилог во затворен плик до „Комисија за надоместување на дел од трошоците на граѓаните на подрачјето на Општина Гази Баба за набавка и вградување на сончеви термални колектори за 2024 година“ во архивата на Општина Гази Баба, на адреса ул.Архимедова бр.2, секој работен ден од 07:30 до 16:30 часот.
Архивата на Општина Гази Баба примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.
- Начин на спроведување на јавниот повик
- Градоначалникот на Општина Гази Баба формира Комисија за спроведување на Јавниот повик која ќе ја спроведе постапката во две фази:
- првата фаза ќе ги разгледа пристигнатите барања и документацијата во прилог со цел да утврди дали истите се уредни и комплетни и
- втората фаза ќе изврши теренски увид кај сите баратели кои имаат доставено уредна и комплетна документација за да утврди дека ги исполниле условите од овој Јавен повик, а особено дека купениот сончев термален колектор е монтиран во живеалиштето според личната карта на барателот, дека станбениот објект не е во фаза на градба и во него барателот живее.
Исплатата на одобрените средства ќе се врши сукцесивно, според редот на пристигнати барања по принципот „прв дојден прв услужен“, а по донесување на решенија за одобрување на барањата од страна на градоначалникот на Општина Гази Баба.
- Начин на остварување на правото на надоместок
5.1.За утврдување на исполнувањето на условите согласно точка 3 на јавниот повик, Градоначалникот на општина Гази Баба формира Комисија за спроведување на постапката за субвенционирање на дел од трошоците за набавка и вградување на сончеви термални колектори за 2024 година, за граѓаните на подрачјето на Општина Гази Баба за 2024 година.
Градоначалникот на општина Гази Баба на предлог на Комисијата ќе донесе решение за усвојување на барањето на барателите кои ги исполниле условите врз основа на Јавниот повик.
Решенијата за усвојување на барањата за исплата на предвидените средства, ќе започнат да се применуваат од денот на објавување на конечните резултати за избор на претседател на Република Северна Македонија и избор на пратеници во Собранието на Република Северна Македонија кои ќе се одржат на 8 мај 2024 година, од Државната изборна комисија.
Градоначалникот на општина Гази Баба на предлог на Комисијата ќе ги извести за неусвојување на барањето, барателите кои не ги исполниле условите врз основа на Јавниот повик.
Во прилог – Барање сончеви 2024 ; барање за данок за сончеви 2024; Нова изјава за сончеви колектори.